Kandidati për deputet nga Partia Demokratike e Kosovës, Rashit Qalaj, ka marrë pjesë në një tubim me qytetarë në Verban të Vitisë, ku së bashku me kolegët kandidatë për deputet Sylejman Berisha dhe Lulzim Aliu, kanë shpalosur pjesë të programit qeverisës të kryeministrit në ardhje, Bedri Hamza.
Gjatë këtij takimi, Rashit Qalaj theksoi se vizioni i PDK-së është i qartë dhe i fokusuar në zhvillimin ekonomik, mirëqenien e qytetarëve dhe forcimin e institucioneve të shtetit. Ai u shpreh i bindur se mbështetja e madhe e qytetarëve në terren po e konfirmon fitoren e sigurt të PDK-së në zgjedhjet e ardhshme.
“Mesazhet dhe energjia që po marrim nga qytetarët janë dëshmi e qartë se PDK-ja mbetet alternativa e vetme serioze qeverisëse për Kosovën,” u shpreh Qalaj.
Tubimi në Verban u karakterizua nga një atmosferë entuziaste dhe mbështetje e fuqishme për PDK-në dhe kandidatin për kryeministër Bedri Hamza, duke përforcuar bindjen se ndryshimi dhe zhvillimi janë të pashmangshme.