Instituti Riinvest ka mbajtur Konferencën jubilare të 30-vjetorit me temën “Aktivizimi i burimeve të rritjes ekonomike”, duke synuar të nxisë diskutime për përshpejtimin e zhvillimit ekonomik të Kosovës dhe përmirësimin e politikave publike.
Alban Hashani, Drejtor Ekzekutiv i Riinvest, theksoi rëndësinë e kësaj konference për të nxitur ide dhe rekomandime konkrete në funksion të zhvillimit ekonomik.
“Konferenca sotme jubilare, titullohet “Aktivizimi i burimeve të rritjes ekonomike”, që ka për qëllim rritjen e burimeve ekonomike dhe synon të nxis diskutimet në lidhje me mundësinë për përshpejtimin e rritjes ekonomike në Kosovës. Kjo konferencë mundëson të krijojë një opinion dhe shkëmbim idesh dhe për të ofruar rekomandimet që përmirësoj politika publike”, ka deklaruar Hashani.
Anu Prattipati, nga Ambasada e SHBA-së, vlerësoi rolin 30-vjeçar të Riinvest në fuqizimin e demokracisë dhe sektorit privat në Kosovë, duke përmendur edhe partneritetin e hershëm me CIPE në Washington, D.C.
“Në emër të Ambasadës së SHBA-së, dua të shpreh urimet tona më të përzemërta për këtë përvjetor të jashtëzakonshëm. Për tre dekada, Reinvest ka qenë pionier në kërkime socio-ekonomike, analizë të politikave dhe debat publik në Kosovë. Puna juaj ka ndihmuar vendimmarrësit, ka fuqizuar shoqërinë civile dhe ka kontribuar ndjeshëm në zhvillimin demokratik dhe ekonomik të Kosovës. Që nga vitet tuaja të para, duke filluar me partneritetin tuaj të parë me Qendrën për Ndërmarrje Private Ndërkombëtare me bazë në Ëashington, D.C., Reinvest ka hedhur themelet për politika të bazuara në të dhëna dhe për avokim të fuqishëm të sektorit privat në Kosovë.
Ai bashkëpunim i hershëm nuk ishte vetëm një moment kritik për Institutin, por edhe një kapitull i rëndësishëm në miqësinë e vazhdueshme mes popullit të Kosovës dhe Shteteve të Bashkuara. Sot, publikimet tuaja rigoroze mbi çështje që variojnë nga punësimi dhe qeverisja korporative te energjia, transparenca dhe remitancat e diasporës, përdoren nga institucionet qeveritare, organizatat ndërkombëtare dhe shoqatat e biznesit”, theksoi Parttipati.
AnnaCarin Platon, nga Zyra e BE-së, theksoi kontributin e Riinvest në debatet socio-ekonomike dhe projektet evropiane si Horizon Europe – Policy Answers.
“Dua gjithashtu t’ju përgëzoj për të gjitha arritjet tuaja deri më tani dhe për kontributet që Reinvest ka dhënë ndër vite. Në këtë dokumentar interesant pamë se sa i rëndësishëm keni qenë për zhvillimin e Kosovës. Por sot, ju po kontribuoni gjithashtu në mënyrë aktive në debatin konstruktiv për zhvillimet dhe sfidat socio-ekonomike në Kosovë. Siç u përmend shkurtimisht edhe në dokumentar, ju keni zbatuar me sukses projektin Horizon Europe – Policy Ansëers, i cili synon të fuqizojë komunitetin kërkimor dhe më gjerë të ofrojë mbështetje për autoritetet kosovare në hartimin dhe zbatimin e politikave të kërkimit dhe industrisë. Sot është më se e qartë, në këtë ambient politik dhe ekonomik të pasigurt në të cilin po operojmë, sa e rëndësishme është që ekonomistët tanë të zhvillojnë qëndrueshmëri dhe qëndrueshmëri afatgjatë. Kosova ka potencial. Ajo ka treguar qëndrueshmëri në vitet e fundit, pavarësisht të kaluarës shumë komplekse. Rritja ekonomike ka qenë e qëndrueshme – mbi 4% në vit.
Ajo nënvizoi nevojën për strategji të qëndrueshme për kapitalin njerëzor dhe zhvillimin e tregut të punës.
“Megjithatë, Kosova ka nisur nga një nivel i ulët dhe ende përballet me kompleksitetin dhe sfidat e së kaluarës. Sfidat strukturore mbeten për t’u adresuar – ndoshta më urgjente se kurrë më parë. Investimi në kapitalin njerëzor dhe reformat në arsim mbeten tejet të nevojshme. Mbështetja për kërkimin dhe inovacionin në biznes gjithashtu është shumë e rëndësishme. Ne kemi parë disa shembuj frymëzues në Kosovë. Mendoj se është e domosdoshme të bashkohemi dhe të hartojmë së bashku një strategji kombëtare afatgjatë për të zhvilluar potencialin dhe konkurrueshmërinë e Kosovës. Duhet të adresojmë normat e larta të pasivitetit në tregun e punës në Kosovë”, theksoi Platon.
Muhamet Mustafa, bashkëthemelues i Riinvest, foli për sfidat e tranzicionit të zgjatur ekonomik në Kosovë dhe theksoi nevojën për një model zhvillimi që do të përshpejtonte integrimin ekonomik në BE.
“Problemi i Kosovës është që për një kohë të gjatë ka ngelur në tranzicion dhe ka probleme që të ndërtojnë një model i cili do të përballonte nevojat shumë të mëdha të Kosovës për të ngritur nivelin e ngritjes ekonomike. Në raportin që e keni marrë, rrugëtimi ekonomik ne jemi përpjekur që të japim një pasqyrë të këtij problemi, dhe ti ndriçojmë disa aspekti duke pasur në fokus se si Kosova të ketë një rritje në mënyrë që të konvergjojmë më me sukses drejt Unionin Ekonomik Evropian”, Mustafa.
