Pas një pauze të shkurtër, emisioni i njohur “Okult” do të rikthehet sërish në ekran, këtë herë në platformën DTV Media. Lajmin e ka bërë të ditur vetë autori i emisionit, Lutfi Bilalli, përmes një postimi në Facebook.
“Sot në Prishtinë, së bashku me kryeredaktoren e DTV Media, znj. Nora Mavriqi, nënshkruam projektin për realizimin e emisionit ‘Okult’ me tematika gjeopolitike dhe analitike, i cili do të startojë nga java e ardhshme,” ka shkruar Bilalli.
Ky rikthim pritet të sjellë analiza të thelluara mbi zhvillimet rajonale dhe globale, me fokus në çështjet e ndërlikuara gjeopolitike që prekin edhe Kosovën.