Një sulm me raketa ruse vrau një civil në periferi të qytetit Dnipro në Ukrainën qendrore, thanë zyrtarët lokalë, ndërsa Moska vazhdon sulmet e saj ndaj Ukrainës vetëm disa orë përpara bisedimeve diplomatike në Alaska.
Një person u plagos gjithashtu në sulmin e ditës, i cili dëmtoi një kamion dhe një minibus, sipas kreut të administratës ushtarake rajonale, Serhiy Lysak, transmeton CNN, përcjell KosovaPress.
Një tjetër sulm sot goditi infrastrukturën civile në rajonin Sumy në kufi me Rusinë, sipas Oleh Hryhorov, kreut të administratës ushtarake rajonale të Sumy.
Dy oficerë policie ukrainas u vranë në Sviatohirsk në rajonin lindor Donetsk pasi automjeti i tyre u vu nën zjarr rus, tha policia.