Shoqata Humanitare Bamirëse “Bereqeti”, përmes një postimi në rrjetin social Facebook, ka shprehur falënderim dhe mirënjohje publike për avokatin e njohur Labinot Buzuku, së bashku me familjen e tij nga Hajvalia, për mbështetjen e dhënë në kuadër të aksionit humanitar “Sofra e Ramazanit 2026”, me një donacion në vlerë prej 2 mijë eurosh.
Në njoftimin e saj, Shoqata “Bereqeti” ka vlerësuar lart kontributin dhe solidaritetin e familjes Buzuku, duke theksuar rëndësinë e ndihmës për familjet në nevojë gjatë muajit të shenjtë të Ramazanit.
“Falënderim & Mirënjohje 🤲
Me zemër falënderojmë z. Labinot Buzuku me familje nga Hajvalia e Prishtinës, për mbështetjen bujare të aksionit Sofra e Ramazanit 2026 me shumën prej 2,000 €.
Allahu i Madhëruar ua shtoftë bereqetin në pasuri, shëndet dhe familje, ua pranoftë këtë vepër si sadaka dhe sevap Ramazani, dhe i shpërbleftë me të gjitha të mirat. 🌙✨
Allahu ju shpërbleftë!”, thuhet në njoftimin e Shoqatës Humanitare Bamirëse “Bereqeti”.
Shoqata “Bereqeti” vazhdon të jetë aktive në realizimin e aksioneve humanitare, duke u bërë thirrje qytetarëve dhe bizneseve që të kontribuojnë për të ndihmuar sa më shumë familje në nevojë gjatë Ramazanit.