Kandidati i AAK-së për kryetar të Rahovecit, Smajl Latifi, bashkë me kryetarin e partisë, Ramush Haradinaj, kanë zhvilluar një takim me gratë mësimdhënëse dhe punëtore shëndetësore të komunës.
Në këtë takim, u diskutuan sfidat dhe nevojat profesionale të dy sektorëve më të rëndësishëm – arsimit dhe shëndetësisë, si dhe roli i gruas në vendimmarrjen institucionale.
Latifi ka theksuar se mbështetja për gratë do të jetë një prioritet i rëndësishëm, i cili do të përfshihet në mënyrë konkrete në programin qeverisës për mandatin 2025-2029.
“Mbështetja për gratë e komunës sonë do të jetë një prioritet i rëndësishëm dhe i zbërthyer në mënyrë konkrete në programin qeverisës për mandatin 2025-2029. Faleminderit zonjave të nderuara për diskutimet e nevojshme!”, u shpreh Latifi.