Kandidati i AAK-së për kryetar të Rahovecit, Smajl Latifi, së bashku me kryetarin e partisë, Ramush Haradinaj, vizituan sot qendrën më të madhe tregtare në komunë – QTX Mall në Xërxë.
Ata u pritën nga drejtori i qendrës, Hekuran Popaj, i cili prezantoi punën dhe kontributin që kjo qendër po jep në zhvillimin ekonomik të Rahovecit.
QTX Mall punëson mbi 100 persona, prej të cilëve mbi 80% janë gra dhe vajza, duke e bërë kështu një nga shembujt më të rëndësishëm të punësimit dhe fuqizimit të grave në komunë.
Latifi falënderoi për pritjen dhe theksoi rëndësinë që ka ky investim për ekonominë vendore:
“Hekuran, faleminderit për pritjen e ngrohtë dhe suksese të pandalshme!”, u shpreh ai.