Kandidati i Aleancës për Ardhmërinë e Kosovës (AAK) për kryetar të Komunës së Rahovecit, Smajl Latifi, ka shënuar sot 54-vjetorin e lindjes, në një ditë të veçantë që përkoi me tubimin qendror të fushatës zgjedhore.
Në një mesazh drejtuar qytetarëve, familjarëve, miqve dhe bashkëpunëtorëve, Latifi ka shprehur mirënjohjen e tij të thellë për urimet dhe kujdesin e treguar në këtë ditë.
“Të dashur qytetarë, familjarë, miq, bashkëpunëtorë e kolegë,
Në vlugun e fushatës dhe në ditën e tubimit qendror, sot mbusha 54 vjet.
Ju falënderoj pa masë për urimet e shumta dashamirëse me rastin e ditëlindjes.
Kjo ishte një ditë e veçantë për mua, duke ju falënderuar juve dhe kujdesit tuaj!
Faleminderit nga zemra!” – ka shkruar Latifi.
Ditëlindja e Smajl Latifit erdhi në një nga momentet më intensive të fushatës zgjedhore në Rahovec, ku ai po gëzon përkrahje të gjerë qytetare dhe po garon për një mandat të ri me moton “#PunaNukNdalet”.