Kandidati i Aleancës për Ardhmërinë e Kosovës (AAK) për kryetar të Rahovecit, Smajl Latifi, ka theksuar se fushata zgjedhore duhet të jetë kohë e planeve konkrete dhe jo e fjalëve boshe.
Ai ka thënë se qytetarët e Rahovecit i njohin mirë sfidat dhe kërkesat e tyre, prandaj programi i tij përmban vetëm projekte të realizueshme.
“Fushata është kohë për premtime, por jo për fjalë boshe dhe projekte pa mbulesë. Ne i njohim mirë nevojat e qytetarëve dhe e dimë me saktësi çfarë duhet dhe mund të realizohet”, ka deklaruar Latifi.
Me moton “#PunaNukNdalet”, Latifi ka shprehur bindjen se puna e nisur për zhvillimin e komunës do të vazhdojë edhe në mandatin e ardhshëm.