Kandidati i AAK-së për kryetar të Rahovecit, Smajl Latifi, ka zhvilluar një takim me gra dhe vajza të nderuara nga Rahoveci, ku është diskutuar rëndësia e pjesëmarrjes së tyre në proceset demokratike dhe në vendimmarrjen institucionale.
Latifi theksoi se gratë rahovecase gjithmonë kanë qenë të vyera dhe të përkushtuara për familjen dhe punën, prandaj, sipas tij, ato do të kenë rol të rëndësishëm edhe në politikat zhvillimore të komunës.
Në këtë aktivitet mori pjesë edhe kandidati për Kuvendin Komunal nga radhët e AAK-së, Afrim Oruqi, i cili mikpriti takimin në shtëpinë e tij, bashkë me familjarë e miq. Latifi e falënderoi atë dhe i uroi suksese në kandidaturën për asamblist.
“Gratë dhe vajzat do të jenë pjesë e rëndësishme e vendimmarrjes sonë, sepse Rahoveci i së ardhmes ndërtohet me përfshirje dhe barazi,” tha Latifi.