Kandidati i Aleancës për Ardhmërinë e Kosovës për kryetar të Komunës së Rahovecit, Smajl Latifi, së bashku me kryetarin e AAK-së, Ramush Haradinaj, vizituan sot Teqenë e Madhe të Halvetive, ku u pritën nga Shejh Besim Shehu, dhe Teqenë e Rifaive, ku u pritën nga Shejh Mehdi Shehu.
Gjatë këtyre vizitave u theksua rëndësia e madhe që kanë teqetë për komunitetin dhe për të mirën e përbashkët.
“Teqetë përfaqësojnë vlera të rëndësishme shpirtërore e kulturore për Rahovecin, duke mbrojtur traditat tona dhe trashëgiminë e pasur religjioze të njerëzve tanë. Ato luajnë një rol të pazëvendësueshëm në forcimin e bashkëjetesës dhe harmonisë ndërfetare”, u tha në këtë takim.
Latifi falënderoi Shejh Mehdiun dhe Shejh Besimin për kontributin e tyre të vazhdueshëm në edukimin shpirtëror, bashkëpunimin me institucionet dhe gatishmërinë për të ndihmuar komunitetin.