Kandidati i AAK-së për kryetar të Rahovecit, Smajl Latifi, ka zhvilluar një takim në shtëpinë e Drejtorit për Ekonomi, Turizëm dhe Zhvillim në Komunën e Rahovecit, Erhan Morina, në fshatin Xërxë.
Në këtë mbrëmje, Latifi u prit ngrohtësisht nga familjarë dhe miq të Morinës, ku u zhvillua një bashkëbisedim për arritjet e deritanishme dhe projektet që planifikohen të realizohen në të ardhmen.
“Një pritje e ngrohtë, ku u krijua mundësia që të diskutojmë për të arriturat tona e punët që kemi ndërmend t’i bëjmë në të ardhmen. Faleminderit për mikpritjen,” u shpreh Latifi.
Ai theksoi se vizioni i tij për Rahovecin është i bazuar në zhvillim të qëndrueshëm, duke vënë në plan të parë ekonominë, turizmin dhe mirëqenien e qytetarëve.