Kandidati i Aleancës për Ardhmërinë e Kosovës (AAK) për kryetar të Komunës së Rahovecit, Smajl Latifi, ka zhvilluar një takim emocionues në vendlindjen e tij, Ratkoc, ku është pritur me përkrahje të madhe nga bashkëfshatarët e tij.
“Në vendlindjen time, në Ratkoc, dje morëm mbështetjen e bashkëfshatarëve të mi, që nuk është lëkundur asnjëherë. Ju falënderoj përzemërsisht e ju premtoj që nuk do t’ju zhgënjej as në katër vitet e ardhshme të qeverisjes sonë!” – ka deklaruar Latifi.
Ai theksoi se Ratkoci ka qenë gjithmonë shtyllë e fortë e mbështetjes për AAK-në dhe për vizionin e zhvillimit të Komunës së Rahovecit, ndërsa premtoi vazhdim të projekteve që përmirësojnë jetën e qytetarëve dhe zhvillimin e fshatrave.
“Falë punës së përbashkët, Rahoveci ka ndryshuar për mirë, por rruga jonë e zhvillimit vazhdon. Kemi ende shumë për të bërë, dhe këtë do ta realizojmë bashkë, me besimin dhe energjinë tuaj,” u shpreh më tej Latifi.