Kandidati i AAK-së për kryetar të Komunës së Rahovecit, Smajl Latifi, u takua me banorët e Krushës së Madhe, ku theksoi se puna, investimet dhe projektet për këtë fshat nuk janë ndalur asnjëherë dhe nuk do të ndalen as në të ardhmen.
Në një atmosferë të ngrohtë e përkrahje të madhe, Latifi falënderoi krushjanët për mbështetjen dhe mikpritjen e veçantë, duke theksuar se bashkëpunimi i ndërsjellë është çelësi i zhvillimit të vazhdueshëm të komunës.
“Për Krushën, bashkë me krushjanët, kemi edhe shumë punë përpara – dhe ajo nuk do të ndalet! Faleminderit për besimin dhe përkrahjen që më jepni çdo ditë,” tha Smajl Latifi.
Takimi në Krushë e Madhe shënoi një tjetër dëshmi të lidhjes së fortë mes qytetarëve dhe vizionit të Latifit për një Rahovec që ecën përpara me punë, përkushtim dhe vlera.