Kandidati i AAK-së për kryetar të Komunës së Rahovecit, Smajl Latifi, ka marrë mbështetje të fuqishme nga banorët e Malësisë së Vogël.
Latifi u shpreh se kjo përkrahje është rezultat i punës së palodhur, i projekteve të realizuara dhe i fjalës së mbajtur ndaj qytetarëve.
“Mbështetja që po marrim në Malësinë e Vogël vjen nga puna e pandalur dhe rezultatet e prekshme. Puna nuk ndalet për këtë fshat fisnik dhe bujar, si dhe për gjithë komunën tonë,” tha Latifi.
Ai theksoi se Malësia e Vogël do të mbetet pjesë e rëndësishme e planeve zhvillimore të ardhshme të Rahovecit.