Kandidati i Aleancës për Ardhmërinë e Kosovës për kryetar të Rahovecit, Smajl Latifi, e ka nisur ditën me një takim të ngrohtë në Malësinë e Vogël, ku është pritur nga dhjetëra banorë të kësaj ane.
“Mirëmëngjesi nga Malësia e Vogël!” – ka shkruar Latifi, duke theksuar se bashkëbisedimi me qytetarët është mënyra më e mirë për të ndërtuar plane të qëndrueshme zhvillimi për Rahovecin.
Në këtë takim, Latifi ka dëgjuar nga afër kërkesat e banorëve dhe ka ndarë me ta projektet që Aleanca synon t’i realizojë në mandatin e ardhshëm, me fokus në përmirësimin e infrastrukturës, zhvillimin bujqësor dhe krijimin e kushteve më të mira për jetesë.