Kryetari i Komunës së Rahovecit, Smajl Latifi, ka vizituar bletarin e njohur Enver Kabashi nga fshati Zoqishtë, i cili me 400 bletë arrin të prodhojë mijëra kilogramë mjaltë në vit.
Kabashi, përveç prodhimit të mjaltit, merret edhe me shitjen e koshereve, duke u bërë shembull i një fermeri të suksesshëm në komunë. Ai së fundmi ka qenë edhe përfitues i subvencioneve komunale, përkatësisht dyllit për koshere, pajisjeve për tymosje dhe uniformës së bletarisë.
Latifi e vlerësoi lart angazhimin e tij, duke theksuar se Komuna e Rahovecit do të vazhdojë mbështetjen për bletarët dhe fermerët e tjerë, si pjesë e përkushtimit për zhvillimin bujqësor.
“Faleminderit për pritjen, sukseset mos u ndalshin për bletarët e komunës sonë,” tha Latifi.