Kandidati për kryetar të Rahovecit, Smajl Latifi, ka vizituar kompaninë e transportit ndërkombëtar “Verlind Trans”, e themeluar në vitin 2010 nga vëllezërit Mustafa. Me një flotë prej 30 kamionësh dhe 20 punëtorësh, kompania është bërë pikë referimi në transportin e mallrave drejt Ballkanit Perëndimor dhe vendeve të Evropës.
Gjatë takimit, pronarët theksuan se janë në kërkim të drejtuesve të rinj të kamionëve, për të zgjeruar edhe më shumë shërbimet e kompanisë.
Latifi u shpreh se zhvillimi i bizneseve të tilla është tregues i potencialit ekonomik të Rahovecit dhe se platforma e tij synon të mbështesë fuqishëm sektorin privat, si motor kryesor të zhvillimit lokal.
Ai falënderoi vëllezërit Mustafa për pritjen dhe u uroi suksese të mëtejshme në punën e tyre.