Sonte në Prishtinë do të mbahet akademi përkujtimore për rreshterin e Policisë së Kosovës, Afrim Bunjaku, i cili u vra tre vjet më parë gjatë sulmit terrorist në Banjskë të Zveçanit.
Akademia përkujtimore do të mbahet nën patronatin e Zyrës së Kryeministrit të Kosovës.
Ngjarja do të zhvillohet në orën 20:00, në Sallën e Kuqe të Pallatit të Rinisë në Prishtinë.
Afrim Bunjaku u vra më 24 shtator 2023 gjatë sulmit të armatosur në Banjskë, ku një grup i armatosur sulmoi pjesëtarët e Policisë së Kosovës.