Kryeministri i Kosovës në detyrë, Albin Kurti ka kujtuar 3-vjetorin e nisjes së invazionit rus në Ukrainë.
Kurti nëpërmjet një postimit në rrjetin social ‘X’, tha se kjo ngjarje ka shkaktuar vuajtje të pamasë ndaj atyre që mbrojtën me guxim vendin e tyre dhe ka tronditur Evropën.
Tutje, Kurti shtoi se Kosova është solidarizuar me Ukrainën jo vetëm me fjalë por edhe veprime, siç ka pritur shumë gazetarë ukrainas në Kosovë, e po ashtu duke dërguar pajisje ushtarake.
Postimi i plotë:
Sot shënon përvjetorin e tretë të pushtimit rus të Ukrainës – një ngjarje që ka shkaktuar vuajtje të pamasë atyre që mbrojnë me guxim vendin e tyre dhe ka tronditur Evropën dhe botën demokratike.
Në Kosovë, një vend që ka duruar gjenocid, ne e kuptojmë thellë dhimbjen dhe qëndrueshmërinë e popullit ukrainas. Solidariteti ynë nuk është vetëm me fjalë, por edhe me veprime – duke pritur gazetarë ukrainas në vendin tonë, duke dërguar pajisje ushtarake dhe së bashku me aleatët tanë si Britania e Madhe, të kontribuojmë në trajnimin e ushtarëve ukrainas.
Ne qëndrojmë me Ukrainën në luftën e saj për liri dhe demokraci.