Presidenti amerikan, Donald Trump, ka deklaruar se ende nuk është i sigurt nëse homologu i tij rus, Vladimir Putin, është i gatshëm t’i japë fund luftës në Ukrainë, por tha se këtë do ta kuptojë brenda dy javësh.
Ai gjithashtu shtoi se do të ketë një përgjigje të ndryshme nëse rezulton që Rusia po përgjon Shtetet e Bashkuara.
“Do të zbulojmë nëse ai po na përgjon apo jo, dhe nëse po, do të përgjigjemi pak më ndryshe”, tha Trump.
I pyetur nga gazetarët pse ende nuk ka vendosur sanksione ndaj Rusisë, Trump u përgjigj se nuk dëshiron të dëmtojë mundësinë për një marrëveshje paqeje.
“Nuk dua të shkatërroj shanset për një marrëveshje. Nëse është e nevojshme, do të ulem të bisedoj me presidentin e Ukrainës, Volodymyr Zelenskyyn, dhe me Putinin”, tha ai, sipas Skynews.