Presidenti amerikan, Donald Trump, ka komentuar mundësinë e mbajtjes së një takimi mes liderëve të Rusisë dhe Ukrainës në Stamboll, duke e quajtur këtë nismë të domosdoshme për ndaljen e konfliktit.
“Isha shumë këmbëngulës që takimi të zhvillohet”, ka deklaruar Trump, sipas The Guardian, duke shtuar se “mendoj se gjëra të mira mund të dalin nga ai takim”.
Ai gjithashtu ka përsëritur thirrjen e tij për t’i dhënë fund dhunës: “Duhet ndalur gjakderdhja”.
Nga të dy liderët e përfshirë, deri më tani pjesëmarrja në takim është konfirmuar vetëm nga presidenti ukrainas Volodymyr Zelensky. Në anën tjetër, presidenti rus Vladimir Putin ende nuk është zotuar publikisht për pjesëmarrje në këto bisedime.