Presidenti amerikan Donald Trump ka deklaruar se Shtetet e Bashkuara përdorën një armë të klasifikuar që ai e quan “Discombobulator” gjatë operacionit të 3 janarit në Caracas, që çoi në arrestimin e presidentit venezuelian Nicolás Maduro dhe gruas së tij, Cilia Flores.
Trump tha se ky sistem sekret “bëri që pajisjet e armikut të mos funksiononin”, duke penguar lansimin e raketave gjatë ndërhyrjes së forcave amerikane, raporton New York Post.
Trump shtoi se nuk mund të fliste më shumë për armën, e cila kishte luajtur një rol kyç në suksesin e misionit pa humbje amerikane.