KFOR ka njoftuar se ushtarët amerikanë e gjermanë të këtij misioni kanë zhvilluar një trajnim ushtarak për alpinistë, për të ruajtur aftësitë e tyre operacionale. KFOR njofton po ashtu se, qëllimi i këtij trajnimi ka qenë rritja e sigurisë dhe e besimit gjatë lëvizjes në terrene të vështira.
Nga KFOR, theksohet edhe se, aktivitete të tilla kontribuojnë në gatishmërinë e përgjithshme të KFOR-it duke forcuar aftësitë bazë dhe duke nxitur bashkëpunim efektiv ndërmjet forcave shumëkombëshe.
Njoftimi:
Ushtarët amerikanë dhe gjermanë nga Komanda Rajonale Lindje e misionit KFOR të udhëhequr nga NATO kryen trajnim ushtarak për alpinistë për të ruajtur aftësitë e tyre operacionale.
Qëllimi i trajnimit ishte rritja e sigurisë dhe besimit gjatë lëvizjes në terrene të vështira, duke u mundësuar ushtarëve të ruajnë aftësitë e nevojshme për kryerjen e detyrave të tyre.
Aktivitete të tilla kontribuojnë në gatishmërinë e përgjithshme të KFOR-it duke forcuar aftësitë bazë dhe duke nxitur bashkëpunim efektiv ndërmjet forcave shumëkombëshe—një element thelbësor për përmbushjen e mandatit të KFOR-it për ruajtjen e një ambienti të sigurt për të gjithë banorët e Kosovës.
KFOR vazhdon të zbatojë mandatin e tij, të bazuar në Rezolutën 1244 të Këshillit të Sigurimit të OKB-së (1999), për të kontribuar në një mjedis të sigurt për të gjitha komunitetet në Kosovë dhe për të garantuar lirinë e lëvizjes, në çdo kohë dhe paanshmërisht. KFOR bashkëpunon ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), secili në rolin e vet si institucion përgjegjës për sigurinë.