Ushtarët shumëkombësh të misionit të udhëhequr nga NATO, KFOR, kanë përfunduar me sukses Garën Ndërkombëtare të Sporteve Ushtarake (MSC), e organizuar nga Forcat e Armatosura Austriake.
“Mbajtja e kondicionit fizik dhe forcës mendore është thelbësore për suksesin e përgjithshëm të trupave të KFOR-it, të cilët vazhdojnë përditshmërisht misionin e tyre për të garantuar një mjedis të sigurt për të gjithë qytetarët e Kosovës”, thuhet në njoftimin e KFOR-it.
KFOR vijon zbatimin e mandatit të tij, bazuar në Rezolutën 1244 të Këshillit të Sigurimit të OKB-së, duke kontribuar në sigurinë dhe lirinë e lëvizjes për të gjitha komunitetet në Kosovë.
Misioni punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në përputhje me përgjegjësitë e tyre si garantues të sigurisë.