Kryetari i Organizatës së Veteranëve të Luftës së UÇK-së, Hysni Gucati ka ndarë një moment të fortë gjatë qëndrimit të tij në Hagë ku po mbahen ish-krerët e UÇK-së, përfshirë Hashim Thaçin dhe Kadri Veselin.
“Kur e paramendojshe kan e ke lan në burg – me njerëz që kam nejtë 37 muaj, me njerëzit më të mëdhenj të kombit, me njerëzit ma të mëdhaj të shtetit. Kur jam përshëndet me bacin Jakup, kurrë ma ran s’më ka ardh. Edhe po ma bën Hashimi ‘ku po do’, i thashë ‘prej shpije’. Emocione të mëdha,” është shprehur Gucati.
Ai i ka cilësuar Thaçin dhe Veselin si burra që i kanë prirë proceseve të mëdha shtetformuese, duke shtuar se ndjenja që e ka përfshirë kur i ka parë pas grilave ka qenë e papërshkrueshme.
“Si Kadri Veseli e Hashim Thaçi, që ju kanë pri procese të mëdha… kur ti sheh ata burra prapa grilave, veç ai që s’ka ndjenja, ai që s’ka gjak shqiptari, mendon të keqen për ta,” ka thënë ai.