Ditët e fundit janë shtuar zërat për largimin e Vinicius Junior nga Real Madrid.
Braziliani ka pasur oferta marramendëse nga Arabia, derisa Al Ahli kishte bërë një ofertë të ”çmendur”, ku i ka ofruar 1 miliard euro për pesë vite.
E në një intervist për ”Real Madrid TV”, e cila pritet të publikohet e plotë shumë shpejtë, Vinicius ka bërë të ditur se ai dëshiron të qëndrojë në klubin mbretëror edhe për shumë vite.
“Të bësh histori këtu është diçka shumë e rëndësishme për mua dhe për të gjithë familjen time. Shpresoj që të mund të qëndroj këtu edhe për shumë vite të tjera”, thotë Vini, i cili nuk e fsheh gëzimin e tij që ka shënuar më shumë se 100 gola për Real Madridin dhe është afër. te Ronaldo. “Është diçka që nuk mund ta përshkruaj, sepse vetëm 20 lojtarë kanë shënuar më shumë se 100 gola dhe në mesin e tyre është idhulli im Ronaldo, i cili gjithmonë më ka dhënë këshilla se si të përmirësohem përpara portës, si të gjuaj më mirë.”, ka deklaruar Vinicius.