Presidenti ukrainas, Volodymyr Zelenskyy, ka mbërritur në Paris, ku do të takohet me presidentin francez, Emmanuel Macron, këtë mbrëmje në prag të samitit të nesërm të “koalicionit të vullnetarëve”.
Presidenti francez, Emmanuel Macron, mirëpriti presidentin ukrainas,, Volodymyr Zelensky, për bisedime në Paris të mërkurën, një ditë përpara një takimi të vendeve evropiane për të diskutuar vendosjen e trupave paqeruajtëse për të ruajtur një armëpushim të mundshëm Rusi-Ukrainë.
Udhëheqësit botërorë do të mblidhen këtë të enjte në Paris për një tjetër samit ku temë kryesore e bisedimeve është Ukraina dhe siguria. Sipas Pallatit presidencial francez, 31 vende, duke përfshirë anëtarët e NATO-s, liderët e BE-së si dhe Mbretëria e Bashkuar, Kanadaja dhe Norvegjia pritet të marrin pjesë.
Qëllimi kryesor i samitit është të finalizojë ato garanci të sigurisë që kombet evropiane janë të gatshme të ofrojnë, duke përfshirë nëse ata do të konsiderojnë vendosjen e trupave paqeruajtëse në terren në Ukrainë.
Ky takim vjen në një moment kyç pasi Shtetet e Bashkuara njoftuan se kanw ndërmjetësuar një armëpushim midis Rusisë dhe Ukrainës në Detin e Zi.