Presidentja e Kosovës Osmani iu përgjigj pyetjeve nga fëmijët, në përmbyllje të forumit, duke theksuar rëndësinë e ruajtjes së identitetit kombëtar, mbrojtjes së të drejtave të fëmijëve dhe ndërtimit të një të ardhmeje paqësore, raporton Ekonomia Online.
Ajo kujtoi kohën kur shqiptarët nuk mund të vizitonin Shqipërinë, duke shtuar se fëmijët nuk i nisin as përfundojnë luftërat, por janë viktimat më të mëdha, dhe se vendosja e interesit të tyre në qendër ndihmon në ndërtimin e një bote pa konflikte.
“Sa i përket emrin Vjosa në kohën kur kam lindur unë kemi qenë në robëri dhe ka qenë e pamundshme ta vizitojmë Shqipërinë kështu që prindërit tanë kanë mbrojtur identitetin tonë shqiptarë edhe nëpër emrat e fëmijëve të tyre. Lumi Vjosa është më i shpejtë dhe më i egër por edhe më i bukuri”, ka thënë Osmani.
Presidentja theksoi gjithashtu solidaritetin e Shqipërisë gjatë luftës, kur hapi dyert për qindra mijëra refugjatë nga Kosova.
“Kjo e dëshmon jo vetëm pastërtinë e dëshmive dhe fëmijët nuk janë kurrë ata të cilët e fillojnë luftën e as ta përfundojnë. Sa më shumë të vendoset interesi i fëmijëve aq më pak do të ketë konflikteve, pavarësisht që jemi ndryshe nuk duhet ta anashkalojmë humanitetin. Si popull shqiptar asnjëherë në historinë tonë nuk kemi filluar luftërat”, shtoi presidentja.
“Ne nuk kemi lejuar që lufta të na shkatërroj kemi rindërtuar jetën tonë shtetin dhe institucionet tona i kemi ndërtuar të tilla që të mbrojmë të drejtat tona. Në momentin më të rënda Shqipëria ka hapur dyert dhe zemrën nga qindra refugjatë nga Kosova”, shtoi ajo.