Zhduket një grua në Lipjan, policia kërkon bashkëpunimin e qytetarëve

Policia e Kosovës ka bërë të ditur se më datë 16.01.2026, në stacionin policor të Lipjanit, është raportuar për një person të zhdukur. Sipas raportit të Policisë së Kosovës bëhet e ditur se bëhet fjalë për personin, zoja Velija e lindur në vitin 1984. “Që nga dita e raportimit deri më tani, njësitet policore të hetimeve, kërkimeve si dhe patrullat në koordinim me prokurorinë përkatëse dhe në bashkëpunim të ngushtë me familjarët, kanë ndërmarrë një varg veprimesh si: -intervistime të personave që mund të ndihmojnë në gjetjen e vendndodhjes së personit, kontrollimi i hyrje- daljeve, në të gjitha pikat kufitare, kërkime në zona që personi kishte frekuentuar zakonisht (ambiente të mbyllura dhe të hapura), analizimi dhe hetimi i çdo lloj informacioni që lidhet me personin etj”, thuhet në njoftim. Po ashtu siç thuhet në njoftim edhe pse veprimet dhe kërkimet policore janë duke vazhduar, pas marrjes së autorizimit prej prokurorit të shtetit, policia kërkon nga qytetarët kontributin e tyre. “Të gjithë ata që kanë çfarëdo lloj informacioni, që ndërlidhet me personin e sipër shënuar, t’i përcjellin ato policisë përmes numrit 192 apo në [email protected]”, thuhet në njoftim.