Një zjarr ka përfshirë një vilë dhe një objekt banimi pasditen e së dielës në Brezovicë, duke shkaktuar dëme materiale, pa viktima apo të lënduar.
Lajmi është konfirmuar nga Policia e Kosovës.
Sipas zëdhënësit të Policisë për rajonin e Ferizajt, Kanun Veseli, autoritetet janë lajmëruar menjëherë dhe kanë ndërhyrë në kohë për të parandaluar përhapjen e mëtejshme të flakëve.
“Sot rreth orës 15:11 kemi pranuar një informatë se në zonën e Brezovicës ka shpërthyer një zjarr, i cili ka përfshirë një vilë dhe një objekt banimi. Lidhur me zjarrin, është njoftuar Njësia e Zjarrfikësve, ndërsa një patrullë policore ka dalë menjëherë në vendin e ngjarjes. Nuk raportohet për lëndime në njerëz”, ka thënë Veseli.