Nënkryetari i Komunës së Skenderajt, Fadil Nura është deklaruar për media lidhur me incidentin e djeshëm në një kafiteri në Skenderaj, ku Hysni Mehani deklaroi se u sulmua fizikisht nga kryetari i komunës, Sami Lushtaku dhe njerëzit e tij.
Nura tha se për rastin deri më tani janë interbistuar disa dëshmitarë, teksa shtoi se i pari i komunës nuk ka marrë ftesë zyrtare për intervistim.
Megjithatë, i njëjti shtoi se janë të gatshëm t’i përgjigjen organeve të rendin sapo të marrin ftesë zyrtare.
“Jo, nuk është e vërtetë. Unë deri në orën 04:00 kam qenë në kontakt me komandantin e Stacionit të Policisë dhe i kam shpreh gatishmërinë që t’i përgjigjem intervistës në rast se është nevoja. Komandanti më ka njoftuar se rastin e kanë marr nga niveli qendror, në këtë rast, nga Prishtina dhe janë në procedurë të intervistimit një pjesë e dëshmitarëve, pastaj kurdo që ka nevojë më kontaktoni.
Përdryshë, ftesë zyrtare edhe në momentin kur po flasim, nuk kemi ne si institucion. Jemi duke prit. Në momenton që do të kemi ftesë zyrtare, sigurisht që z.Lushtaku do t’i përgjigjet, qysh iu ka përgjigj gjithmonë”, tha ai.