Kryetari i LDK-së, Lumir Abdixhiku, ka thënë se 6 deputetë të LDK-së, kanë thënë se nuk do e votojnë Bekim Sejdiun për President.
“Me keqardhje të madhe 6 deputetë të LDK-së kanë vendosur të mos e respektojnë vendimin e kryesisë, Avdullah Hoti, Hykmete Bajrami, Armend Zemaj, Kujtim Shala, Arben Gashi dhe Janina Ymeri”, ka thënë ai.
Këtë qëndrim të tyre, Abdixhiku e ka cilësuar si lajm të keq për Kosovën.
“Në këtë fazë e konsideroj se i bëjnë dëm të pariparueshëm procesit dhe pa nevojë e dërgojnë vendin në zgjedhje të jashtëzakonshme”, ka thënë ai.