Kryetari i Aleancës për Ardhmërinë e Kosovës, Ramush Haradinaj, ka reaguar ndaj zhvillimeve rreth hetimeve për skandalin e fabrikës së mbetjeve shtazore, ku ministri në detyrë i Bujqësisë, Faton Peci, është marrë në pyetje si i dyshuar.
Haradinaj tha se nuk dëshiron të komentojë gjerësisht rastin, por theksoi se vetë fakti që Peci është intervistuar si i dyshuar flet shumë për seriozitetin e çështjes.
Sipas tij, kjo tregon për një rast të rëndë që po trajtohet nga institucionet e drejtësisë.
“Unë e kam pa që kanë fillu punë, marrja në pyetje në këtë rast si i arrestuar, si i dyshuar i ministrit flet shumë sa i rëndë është ky rast. Nuk e komentoj. Jam i shqetësum, është një orkestrim I madh kundër një përfaqësuesi të ligjit në ktë rast të Prokurorit që në këtë rast e ka kry punën e vet. Tani që e ka krye prokurori punën e vet është vërtetë e dëmshëm cka po bën VV, cka po bën kjo klas polikie në shkumje duke sulmuar përfaqësues të institucioneve të ligjit. Kjo është rrezikshme”, tha Haradinaj.