Kreu i LDK-së, Lumir Abdixhiku, është pyetur për qëndrimin e partisë së tij në lidhje me procesin e formimit të Kuvendit të Kosovës dhe votimin e kryetarit të Kuvendit, pozita e të cilës i takon Lëvizjes Vetëvendosje.
Abdixhiku ka theksuar se një person që nuk ka 61 vota për ta mbështetur, nuk duhet të jetë kryetar i Kuvendit.
“Një kryetar i Kuvendit që s’i ka 61 vota për veti, s’duhet të jetë kryetar i Kuvendit në radhë të parë fare. Pra minimalisht duhet të t’i ketë 61 vota, më pas shihemi për gjëra tjera. Qëndrimet e LDK-së besoj i keni mësuar tashmë.” ka deklaruar Abdixhiku.