Asociacioni i Gazetarëve të Kosovës (AGK) ka dënuar ashpër sulmet personale dhe familjare të zyrtares së Vetëvendosjes, Dejona Mihali, ndaj gazetarit dhe autorit të emisionit “Rubikon”, Adriatik Kelmendi.
AGK shprehet e shqetësuar për retorikën nxitëse kundër gazetarëve nga ana e kësaj partie, sidomos pas publikimit të raportit të Reporterëve pa Kufij, ku Kosova renditet në vendin e 99-të për lirinë e medias.
Sipas AGK-së, reagimet e VV-së kanë nxitur komente kërcënuese ndaj mediave dhe gazetarëve në rrjetet sociale. AGK kërkon nga Vetëvendosje të ndalë sulmet dhe të respektojë lirinë e shprehjes.