Gazeta raportoi më herët për një aksident në Fushë Kosovë, ku një tren goditi një veturë.
Rastin e ka konfirmuar zëdhënësja e Policisë për rajonin e Prishtinës, Flora Ahmeti.
Sipas saj, rreth orës 16:20 është pranuar informata për një aksident trafiku në Fushë Kosovë, ku janë përfshirë një tren dhe një automjet.
“Si pasojë e aksidentit, një person është lënduar. Me rastin po merret Njësiti Rajonal i Trafikut”, ka deklaruar Ahmeti.
Policia është duke i hetuar rrethanat e aksidentit.