Moscertifikimi i kandidatëve për deputetë të Listës Serbe ka ngjallur edhe reagimet e ndërkombëtarëve.
Së fundi, me reagim ka ardhur ambasadori i Francës, Olivier Guerot.
Me një shkrim të shkurtër në në “X”, Guerot e ka konsideruar këtë si një vendim zhgënjyes.
Ai është shprehur se një gjë e tillë nuk kontribuon në zgjedhje transparente e gjithëpërfshirëse.
“Vendimi i marrë dje nga KQZ-ja në lidhje me kandidatët për zgjedhjet e ardhshme është zhgënjyes dhe i diskutueshëm. Nuk po kontribuon në zgjedhje transparente dhe gjithëpërfshirëse”, ka shkruar ambasadori.