Gjykata e Apelit e ka vërtetuar aktvendimin e Gjykatës Themelore në Prishtinë përmes së cilit Gani Gecit i ishte caktuar masa e paraburgimit në kohëzgjatje prej një muaji.
Avokati Besnik Berisha ishte ankuar në Apel kundër vendimit të Themelores duke kërkuar lirimin e Gecit, mirëpo siç raporton Klan Kosova, Apeli ka refuzuar ankesën e avokatit Berisha dhe ka vërtetuar vendimin e shkallës së parë.
Gani Geci ishte ndaluar më 13 tetor, pas kallëzimit penal nga gazetari Lirim Mehmetaj.
Ndaj Gecit rëndojnë akuzat për kanosje.