Në mëngjesin e së hënës është raportuar se blloku i Kosovës A është vënë në funksion pa sistemin e filtrave të ajrit, gjë që mund të ketë shkaktuar tymosjen masive.
Për këtë ka shkruar edhe ish-ambasadori kosovar, Avni Arifi, i cili ka publikuar pamje mëngjesin e së hënës nga blloku i Kosovës A, ku shihet se një sasi e theksuar tymi del prej njërës nga qyngat.
Arifi ka shpërndarë videon në ‘Facebook’, duke thënë se kushdo që ka dhënë leje të lëshohet ky bllok pa filtra ajri, duhet arrestuar.
Ekonomia Online ka dërguar pyetje zëdhënësit të KEK-ut për t’u sqaruar mbi këtë raportim dhe masat që po merren për ta parandaluar përhapjen e ndotjes së ajrit, por deri në publikimin e këtij lajmi nuk ka marrë përgjigje.