Dy persona janë arrestuar në Pejë pasi në një lokal e kanë fyer me fjalë banale një femër, e më pas edhe tre policë që kanë shkuar të merren me rastin.
Gjatë arrestimit, njëri nga të dyshuarit dhe një zyrtar policor kanë pësuar lën dime dhe kanë pranuar tretman mjekësor.
Gjatë transportit për në stacion policor, i dyshuari tjetër i ka kanosur zyrtarët policorë.
Të dyshuarit kanë qenë nën ndikim të alkoolit dhe janë dërguar në mbajtje.
“Pejë / 08.11.2026 – 06:54. Janë arrestuar dy të dyshuar meshkuj kosovarë, për shkak se fillimisht në një lokal e kishin fyer me fjalë banale viktimën femër kosovare, e më pas edhe tre zyrtarë policorë që kishin shkuar të merren me rast. Gjatë arrestimit njëri prej të dyshuarve dhe një zyrtar policor ka pësuar lëndime dhe kanë pranuar tretman mjekësor. Gjatë transportit për në stacion policor i dyshuari tjetër i ka kanosur zyrtarët policorë. Të dyshuarit kanë qenë nën ndikim të alkoolit të cilët me vendim të prokurorit janë dërguar në mbajtje”, thuhet në raportin 24 orësh të Policisë.