Gjatë seancës së sotme për vrasjen e Liridona Ademajt, avokati i të akuzuarit Granit Plava, Skënder Gojani, ka dhënë fjalën përfundimtare, të cilën e ka mbështetur edhe klienti i tij.
Ai ka thënë:
“Realiteti i këtij rasti është i thjeshtë. Prokuroria s’ka arritur të provojë që Graniti është autor i vrasjes së rëndë. Nuk ka prova direkte, asnjë provë forenzike, nuk ka asnjë provë teknike. E më e rëndësishmja, s’ka dëshmi që e identifikon atë si person që ka shtënë me armë. Asnjë dëshmitar s’e ka parë Granitin që ka shtënë me armë, nuk ka identifikuar autorin. Asnjë nga të akuzuarit s’ka thënë që Graniti ka shtënë me armë dhe e ka kryer vrasjen.
Naim Murseli para trupit gjykues asnjëherë s’ka deklaruar që Granit Plava është personi që ka shtënë; përkundrazi, Naimi në deklaratat e tij është referuar si “hajni”. Nëse, sipas pretendimeve të prokurorisë, Graniti do të ishte vrasësi, atëherë Naimi do ta kishte njohur menjëherë, do t’ia njihte zërin”.