Deputetja e zgjedhur e Lidhjes Demokratike të Kosovës Hykmete Bajrami, ka folur rreth skandaleve që i ka bërë qeveria në detyrë e drejtuar nga Albin Kurti.
Ajo ka zbuluar fakte se si jepen tenderët.
Bajrami deklaroi se jepen me çmime të dyfishta duke i numëruar dhe tri rastet më flagrante.
“Çdo herë kur një organizatë buxhetore e shpall një tender, qoftë për ndërtim të një shkolle, të një spitali, për mirëmbajtje të rrugëve, për ndërtimin e një ure, për blerjen e barërave, për mirëmbajtje të objekteve, për sigurim fizik apo çfarëdo qoftë ajo. Ne e dimë se ata e qesin edhe buxhetin… tek specifikat e tenderit koha, çka duhet me u realizu edhe shuma p.sh shtrimi i rrugës prej këtij fshati në fshatin tjetër. Dhe çka ndodh? Kur shpallet tenderi, kur caktohet buxheti, të gjitha kompanitë të cilat marrin pjesë në tender, ato luftën e bëjnë se cila me dal me çmimin më të lirë apo jo? Mirëpo, kur ftohet dy kompani dhe zakonisht njëra ftohet për t’ia “shtruar rrugën kësaj tjetrës”, gjithmonë organizata buxhetore përfundon duke paguar dyfish e trefish e më shumë”, deklaroi Bajrami.