Deputeti i Lëvizjes Vetëvendosje, Dimal Basha, i pyetur nëse kanë ndryshuar kandidatin për kryeparlamentar, ka thëne se kandidatja mbetet e njejta, Albulena Haxhiu, raporton Ekonomia Online.
“Përzgjedhja e Kryesisë së Kuvendit përbëhet nga tre subjektet më të mëdha politike në vend, që nënkupton LVV, PDK dhe LDK. Kështu që Kushtetuta ia bart përgjegjësinë këtyre tri partive politike për ta konstituar Kuvendin dhe Kryesinë. Pra, bie si obligim mbi tri partitë që të zgjedhin Kryesinë e Kuvendit, dhe ata duhet të votojnë për ta konstituar.”
“Jo, është e njëjta (Albulena Haxhiu)… Telenovelën po e shkaktojnë ata të tjerët. Nuk mund të na akuzojnë neve, sepse ne e kemi propozuar kandidatin dhe kemi ngritur dorën për ta votuar. Ata po refuzojnë. Kryesia e Kuvendit përbëhet nga tri partitë më të mëdha dhe Kushtetuta e thotë qartë… Nëse dikush duhet të akuzohet për bllokadë, janë ata që po refuzojnë të votojnë. Nuk jemi këtu për t’ua plotësuar dëshirat se cilin kandidat duan ata”, ka shtuar ai.