Bashkimi Evropian ka rikonfirmuar mbështetjen për procesin e zgjerimit, duke e cilësuar atë si një nga projektet më të rëndësishme për të ardhmen e kontinentit evropian.
Sipas një publikimi të Parlamentit Evropian, procesi i zgjerimit vazhdon të bazohet në parimin e meritës, ku secili vend vlerësohet individualisht sipas progresit në përmbushjen e reformave dhe standardeve të BE-së.
Në mesin e vendeve që përfshihen në këtë proces është edhe Kosova, e cila ka aplikuar për anëtarësim në BE në vitin 2022, si dhe Shqipëria, e cila mban statusin e vendit kandidat që nga viti 2014 dhe vazhdon negociatat për anëtarësim.
Po ashtu, në procesin e zgjerimit janë edhe Bosnja dhe Hercegovina, Mali i Zi, Maqedonia e Veriut dhe Serbia, të cilat kanë status kandidat dhe janë në faza të ndryshme të negociatave me BE-në. Ndërkohë, Moldavia, Ukraina dhe Gjeorgjia janë përfshirë në valën e fundit të zgjerimit si vende kandidate ose potencialisht kandidate.
Institucionet evropiane theksojnë se progresi i vendeve të Ballkanit Perëndimor dhe më gjerë varet drejtpërdrejt nga zbatimi i reformave dhe përmbushja e kritereve të përcaktuara nga Bashkimi Evropian.
Procesi i zgjerimit, sipas BE-së, mbetet një investim strategjik për stabilitetin, sigurinë dhe zhvillimin ekonomik të Evropës.