Deputeti i PDK-së, Artan Behrami, ka vlerësuar se insistimi i VV-së që vetëm Albulena Haxhiun të zgjidhet kryetare të Kuvendit nuk është degradim vetëm për Kosovën.
Ai ka bërë me dije se një insistim i tillë është degradim edhe për vetë VV-në.
Në profilin e tij në “Facebook”, Behrami ka shkruar se VV-ja ka figura më unifikuese.
“Insistimi për Albulena Haxhiun nuk është degradim vetëm për Kosovën, por edhe për vetë VV-në. Paramendo, nga një figurë si Glauk Konjufca, që gëzon deri diku mbështetje popullore, të një pjese të opozitës dhe shoqërisë civile, VV-ja insiston në një figurë përçarëse dhe izolacioniste, siç është Albulena. Çfarë degradimi!”, ka shkruar Behrami.