Kandidati për deputet të Kosovës nga radhët e PDK-së, Artan Behrami, përmes një Video ka theksuar se qytetarët e Kosovës janë lodhur nga fushata negative.
“Qytetarët e Republikës së Kosovës janë lodhur nga kaosi, janë lodhur nga përçarjet, nga narracioni se kush është më serb, se kush është me Vuciqin, Radojeciqin”, ka thënë Behrami.
Ai ka shtuar se qytetarët e Kosovës janë të interesuar në përbashkim dhe mirëqenie sociale.
“Qytetarët e Kosovës janë të interesuar në stabilitet, në vende të punës, në mirëqenie sociale, në mirëqenie ekonomike dhe marrëdhënie normale me SHBA-të”, ka theksuar ai.
Artan Behrami, i cili mban numrin 75 në listën e PDK-së, ka thënë se për të gjitha këto garantues është Bedri Hamza.