Kandidati për deputet nga Lidhja Demokratike e Kosovës, Bekim Gashi, ka zhvilluar një takim me qytetarët në Nëndegën e Llukarit, ku është pritur nga një numër i madh pjesëmarrësish.
Gashi ka vlerësuar atmosferën, energjinë dhe entuziazmin e qytetarëve, duke theksuar se pjesëmarrja e madhe dëshmon mbështetjen dhe besimin që qytetarët vazhdojnë t’i japin LDK-së dhe vizionit të saj politik.
Sipas tij, diskutimet e hapura me banorët dhe atmosfera pozitive e kanë bërë takimin të veçantë dhe motivues për angazhimet e mëtejshme gjatë fushatës.
Ai ka shprehur mirënjohje të veçantë për Hafiz Krasniqin, kryetarin e Nëndegës së Llukarit, duke vlerësuar organizimin, angazhimin dhe përkushtimin e tij në mobilizimin dhe bashkimin e qytetarëve.
Bekim Gashi po vazhdon aktivitetet e tij elektorale në kuadër të garës për deputet në zgjedhjet parlamentare nga radhët e LDK-së.