Bekim Gashi është emëruar në pozitën e Drejtorit të Shërbimeve Publike në Komunën e Prishtinës. Lajmin e ka bërë të ditur vetë Gashi përmes një postimi në rrjetin social Facebook.
Në postimin e tij, ai ka falënderuar për besimin dhe ka premtuar angazhim maksimal për përmirësimin e shërbimeve publike dhe mirëqenien e qytetarëve të kryeqytetit.
E pranoj këtë detyrë me përgjegjësi të plotë dhe përkushtim të sinqertë. Zotohem se do të jem në shërbim të qytetarëve me transparencë, llogaridhënie dhe punë të ndershme.
https://www.facebook.com/share/p/1AuTQjmKKN/
Drejtoria e Shërbimeve Publike është një nga sektorët kyç në Komunën e Prishtinës, që merret me menaxhimin e infrastrukturës publike, mirëmbajtjen e hapësirave të gjelbra, pastrimin, ndriçimin publik dhe çështje të tjera që ndikojnë drejtpërdrejt në jetën e qytetarëve.