Avokati Besnik Berisha, ka komentuar situatën politike në vend, ku tha se Lëvizja Vetëvendosje me në krye Albin Kurtin, nuk po i frikësohet opozitës.
Berisha tha se Kurti po ikë nga përgjegjësia për shumë arsye, ku sipas tij, për katër vite të Qeverisë Kurti, dështimet kanë qenë të njëpasnjëshme, progresi ka qenë zero, ekonomia për tokë e inflacioni në qiell.
“Mos harroni që më nuk ka dialog të Ohrit, konferenca të Brukselit por tani kemi dirigjime që vijnë direkt nga Uashingtoni. Askush s’e pret Kurtin dhe nuk e ka luksin të dialogoj me Kurtin për çështje që konsiderohen të pleqëruara në Shtëpinë e Bardhë”, tha Berisha në “DPT te Fidani” në Klan Kosova.
Tutje, Berisha tha se situata aktuale politike nuk mund të quhet ngërç politik, pasi sipas tij, spektakli i krijuar pas tentativës së 22-të të konstituimit të kuvendit është një trup.
“Tregon se kush jemi ne, jo vetëm si qeveri, por kush jemi ne edhe si qytetarë dhe çfarë kemi zgjedhur dhe çfarë po na servohet që është një pasiguri totale për përgjegjësitë institucionale”, tha ai.